اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

eldarmoghanli
تورپاق اوگئی اولماز
ائلدار موغانلی

داغلاری قینامیرام،
قینامیرام داغلاری.
قینامیرام سرتلیک‌لرینی،
تورانلی آخشامینی،
چیسگینلی سحرینی.

داغلاری قینامیرام،
قینامیرام سینه‌سینده‌کی،
زیگیللی جیدیرلارینی,
قینامیرام دؤشونده‌کی،
نوازشه حسرت قیز قارینی.

داغلاری قینامیرام
سرت‌لیکی ائله همان؛
نه آخشامی ده‌ییشیب، نه سحری،
تورانلیغی همان،
دومانلیغی همان.
قیناسام، نانکور اولارام؛
اؤزومدن اولارام،
گؤزومدن اولارام؛
قیناسام، باخار کور اولارام.

داغلاری قینامیرام,
قینامیرام داغلاری.
جیدیرلاریندا بیتن زیگیل‌لر
سنین و منیم.
اوتاندیغیندان اریین قیز قاری
سئویله‌نیم، سئوه‌نیم.

داغلاری قینامیرام؛
اونودولانلار قینانیلماز،
اونودانلار قینانار.
تورپاق اوگئی اولماز؛
آنا قلبی یانار,
آنا قلبی اودلانار.

تهران – آذر ۱۳۹۱

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *