بیلسه
کریم مشروطه‌چی (سؤنمز)
شعریم سئوینر روحلاری خوشلاندیرا بیلسه
هر لحظه حیاتی تزه باشلاندیرا بیلسه
درددن اوزولن خسته‌نی آرام ائله‌یینجه
لا ی لای دئییب ،آهسته‌جه هوشلاندیرا بیلسه
سن چئوره‌ده بوش سؤزلره ،اووسونلارا اویسان
نعره ایله سنی ،قور کیمی داشلاندیرا بیلسه
انسان اوره‌گیندن سیله‌رک کینه غبارین
سئوگی‌له باریش دویغوسو آشلاندیرا بیلسه
فطرتده محال اولسادا اؤز خارقه‌سیله
قوردون دییشیب ذاتینی،قوشلاندیرا بیلسه
گؤرسه نه قده‌ر چوخدو یالاشدان یاشایانلار
همتله یالاشلاری دووشلاندیرا بیلسه
آزادلیغا دوغرو اوزانان یولدا ،اومیدله
یالغیز گئده‌نی سنله هاماشلاندیرا بیلسه
چاقیشدیریب اضدادی حقیقت سوراغیندا
هر آغ یالانی صدقیله توشلاندیرا بیلسه
پاک آرزیلار اوغروندا کوتان برکه دوشنده
شوم تورپاغی‌نین برکینی بوشلاندیرا بیلسه
حقه قووشان یوللارا “سؤنمز ” سو چیلردی
دایم آسیلی گؤزلری یاشلاندیرا بیلسه
2 پاسخ
من دئمک ایسردیم کی بو گؤرکملی شاعیریمیزدن عجبا ندن ساده جه تک بیر سعر بوردا قُویموشسونوز؟لوطفن اگر باشقا شعیرلری وارسا بوردا چوخ گؤرمک ایستردیم.سایقیلاریملار.
böyük şairimiz sönzməzə burdan salamlarımı yetirirəm. ola bilsə ona çatdırasınız. qədim dostun arçan