اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

sonmez
بیلسه
کریم مشروطه‌چی (سؤنمز)

 شعریم سئوینر روحلاری خوشلاندیرا بیلسه

هر لحظه حیاتی تزه باشلاندیرا بیلسه

درددن اوزولن خسته‌نی آرام ائله‌یینجه

لا ی لای دئییب ،آهسته‌جه هوشلاندیرا بیلسه

سن چئوره‌ده بوش سؤزلره ،اووسونلارا اویسان

نعره ایله سنی ،قور کیمی داشلاندیرا بیلسه

انسان اوره‌گیندن سیله‌رک کینه غبارین

سئوگی‌له باریش دویغوسو آشلاندیرا بیلسه

فطرتده محال اولسادا اؤز خارقه‌سیله

قوردون دییشیب ذاتینی،قوشلاندیرا بیلسه

گؤرسه نه قده‌ر چوخدو یالاشدان یاشایانلار

همتله یالاشلاری دووشلاندیرا بیلسه

آزادلیغا دوغرو اوزانان یولدا ،اومیدله

یالغیز گئده‌نی سنله هاماشلاندیرا بیلسه

چاقیشدیریب اضدادی  حقیقت سوراغیندا

هر آغ یالانی صدقیله توشلاندیرا بیلسه

پاک آرزیلار اوغروندا کوتان برکه دوشنده

شوم تورپاغی‌نین برکینی بوشلاندیرا بیلسه

حقه قووشان یوللارا “سؤنمز ” سو چیلردی

دایم آسیلی گؤزلری یاشلاندیرا بیلسه

اشتراک گذاری در print
چاپ

2 پاسخ

  1. من دئمک ایسردیم کی بو گؤرکملی شاعیریمیزدن عجبا ندن ساده جه تک بیر سعر بوردا قُویموشسونوز؟لوطفن اگر باشقا شعیرلری وارسا بوردا چوخ گؤرمک ایستردیم.سایقیلاریملار.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *