تورپاق بویالی لوحه‌لر
رامیز تای‌تور
(1)
يومروغومجا تورپاغيم اولسايدي
گؤمرديم اوره‌ييمي،
يورولموشام
چينيمده گزديرمكدن جسديني؛
اوره‌ييم قده‌ر وطنيم اولسايدي
اؤلمزديم.
(2)
باريش ساواشچيسي‌يام
اليمده
قلم،
اؤنومده
کاغاذ،
بئينيمده
انسان.
(3)
بير كؤينك‌ده قوجالديم
چيخاريب اينيمدن آتديم؛
گون‌لري چيخاريب، آتيرام
آتيلان كؤينك‌لر تك.
بيرگون گلر
اؤزوم‌ده آتيلارام؛
كؤينك –كؤينك ساناييرام
اؤتوب کئچن عؤمرومو…