سن گئدلی نئچه ایلدیر
خیالیم باغچاسی گولسوز، چیچک‌سیزدیر؛
سن گئدلی قارانقوشلار
بیزیم ایوانداکی زیغلی یوواسین
یادا سالمیرلار؛
آه ! یوخوسوز گئجه‌لرده
آختارارکن سنسیزلیگی،
دیلکلریم –
قانادلارین ایتیریرلر،
آیریلیغین شعیر یازیر
قارا گونون دفترینده
و من سؤنوب قارانلیقدا
سنی دویان اولدوزلارا
گؤزلریندن دانیشیرام.
سن گئدلی نئچه ایلدیر
یاراندیغیم ناغیللارا
سیغینیرلار اومودلاریم؛
یاراندیغین شعیرلره
توپلاشیرلار خاطیره‌لر،
طالعیمله ساواشیرلار، باریشیرلار،
سنی گئری قایتارماغا چالیشیرلار.
یاخیر منی معناسیندا بیر حقیقت
اوسانیرام!
آخی سنسیز
محبتسیز
اوزون سوره‌ن
بیر کابوسو یاشاییرام
سن گئدلی!
