ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری


ارک قالاسي
رسول رضا

ووروشدولار:

سون گوﻟﻟﻪيه,

سون سونگويه,

سون قونداغا قده‎ر.

ووروشدولار:

هر شئي قيرميزي گئيدي,

داشدان تورپاغا قده‎ر.

ووروشدولار:

آلت دوداقدان،

اوست دوداغا قالخا بيلمه‎ين سسه ‎قده‎ر.

ووروشدولار:

اونلاردان يئددي دفه, يئتميش قات آرتـيق اولان

سونگولري نارين داراق ديشي کيمي, سيخ اولان دوشمنله.

ياراليلار اوفولدامادي

جان وئره‎نلر اينله‎مه‎دي

سوسوزلار- يانديم!- دئمه‎دي.

اوپدو قوروموش دوداقلاري

قان هوپموش تورپاغي.

نه دوشمن اونلاردان بير «آمان» سوزو آلا بيلدي،

نه بو اؤلومو ياغي دويدو,

نه قالا بيلدي.

سؤيکه‎نيب قالا دووارينا.

              اؤلدولر آياق اوسته؛

                                چييين- چييينه.

اولدوزلار شاهيد اولدو,

بير سيرادا دايانميش

اؤلولرين قاباغيندان

يوز يئره بؤلونموش ديريلرين چکيلدييينه.

اؤلدولر، آياقلارينين آلتـيندا

                              وطن تورپاغي.

باشلاري‎نين اوستونده

                       وطن اولدوزلاري.

کؤنولدن کؤنوله کئچدي,

                 اومودلاري, آرزولاري.

گئجه آغير- آغير کئچدي,

                         جنازه‎لرين اوستوندن

كئچدي ، گئتدي يولو سحره

گونش شفقدن بير اؤرتو چکدي,

                  تورپاغي قورويوب,

تورپاقدا دينجه‎لن جنازه‎لره.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *