ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری


ناكام اؤلمه‌رم
عاشیق حسين جاوان

 دؤيوشلرده بركيميشم، پيشميشم

قورخو نه‌دير، اؤلوم نه‌دير، بیلمه‌رم

آنامين سودونه من آند ايچميشم

وطن آدين اوره ييمدن سيلمه‌رم

×××

آزادليق اوغروندا قانيم تؤكولسه

مزاريم اوستوندن يوللار چكيلسه

ساچلاريم آغارسا، بئليم بوكولسه

دوشمنه باش اييب سجده قيلمارام

×××

شيرين آرزولاريم يئرين آلماسا

وطنيم ذيللتدن آزاد اولماسا

خالقيم سئوينمه‌سه، ائليم گولمه‌سه

اوره‌كدن شاد اولوب من ده گولمه‌رم

×××

شفق اولوب اوره كلره تؤكوللم

چينار اولوب يوللار اوسته اكيللم

بوداغ اولوب يارپاغلارا بوكوللم

شؤهرت جوببه‌سينه من بوكولمه‌رم

×××

چيخيب ساوالانا يوردوما باخسام

تبريزين كؤكسونه اولدوزلار تاخسام

ظفر نغمه سيني زيلدن اوخوسام

من ”جاوان حسين“م ، ناكام اؤلمه‌رم

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *