چئویرن: ا.د.ائلمان
ترجمه: ا.د.ائلمان
ا.د.ائلمان

من ائله بیر یورتدا دوغولموشام کی
یارانان گؤزللیک، سای جانیندادیر.
پاییزی سون باهار، قیشی دا جننت،
یاز فصلی گؤزونده، یای جانیندادیر.

ایگیدلر یئتیرن شانا یوردومون،
دوشمنی گتیرن جانا یوردومون،
ماهنیسی باریشدیر آنا یوردومون
ائللری سسله‌ین های جانیندادیر.

آلنینا یازیلان جننت سؤزودور،
جننته بنزه‌ین تکجه اؤزودور،
اوجاغین ایسیدن قئیرت کؤزودور،
گونشی کؤنلونده، آی جانیندادیر.

داغلارین قوینوندا ثروت بسله‌ییر،
هر قاریش توپراقدا حؤرمت بسله‌ییر،
ایگیدلر قانیندا قئیرت بسله‌ییر،
«بابک»ه چوخلاری تای جانیندادیر.

سؤیکه‌نیب ائل سئون وارلی دایاغا،
ساوالان، سهنده، ایکی شاه داغا،
گؤزللیک جانیندا باشدان آیاغا
تانریدان آلدیغی پای جانیندادیر.

دئمیرم ائللردن ائلیم باشدادیر،
دئییرم ظالیمله او ساواشدادیر،
جانی‌نین سئوینجی یار- یولداشدادیر،
دنیزلر یئتیره‌ن چای جانیندادیر.

دنیزلر اوره‌کلی خان آرازلی ائل،
یوردونو قورویان عؤمرو یازلی ائل،
«ائلمان»لار یاشادان سؤزلو، سازلی ائل
دونیانین «جان آذربایجان»یندادیر.

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

آذربایجان جانیندا

ا.د.ائلمان
www.ishiq.net

آذربایجان ادبیات و اینجه‌صنعت سایتی

آذربایجان جانیندا

ا.د.ائلمان
www.ishiq.net

آذربایجان ادبیات و اینجه‌صنعت سایتی

آذربایجان جانیندا

ا.د.ائلمان
www.ishiq.net

آذربایجان ادبیات و اینجه‌صنعت سایتی