سئیرک ایشیق چکیلیب،
قالین ظولمت ساچیلیب.
گونش داش تک باغلانیب،
سازاق ایت تک آچیلیب؛
پاییزدیر!
سینه‌لرده خیشیلتی،
شوشه دوشدوک داش اوسته.
آغلایاندا گؤزلردن
خزل آخیر یاش اوسته؛
پاییزدیر!
بوراخمیشام بوداغی،
قالمامیشدی گوج داها.
باشیمدا اکن دونیا،
آیاغیمدا بیچ داها؛
پاییزدیر!
آی سالدیغی ایشیقدا،
های سالدیغی ایشیقدا،
تؤکور بولود یویور غم،
من قیش قبریستانی‌نین
غسالخانه سینده‌یم؛
پاییزدیر!
یک پاسخ
محبت ائدیب شعریمی پایلاشدیغینیز اوچون منتدارام، یاشاسین.