داها چیچک دئییلدی
کؤکه دایانج ایسته‌نیلدی؛
قیغیلجیمینی چاخمامیش آلیشدی
الینده تکجه دیره‌نجی
گوونجی
گول گؤزونون دورو یاشی
لال باخیشی‌نین سوکوتو
زورا
اویوشمازلیق
آنلاشمازلیق
گؤزه قارشیت
هئپ گیزلی- گیزلی آغلادی
هئیکلی دایانیشما
دایانیشما هئیکلی
دایانج‌سیز
دیک دوردو آشاغیلانمیشی‌یلا دابان‌سیز
آنجاق اوره‌یی دولو ایدی، دولو
ائیله‌می برک
گووه‌نیلیر
گؤزو گؤیلو توخ
الی دوز
حئکایه‌سی دورغون
اورتامی دار
قایغیدان بوراجاق اوچوز اؤلموشدو آتاسی
سویوق گؤروکدوروردو
یاشامین شوم اوزونون الی
کئچمیشدی اجلافلیق خیلخالارینا.
قورو سودو قاناتدی کرپیج اللری
اؤزلمدن آغلاتدی گؤرجک قاپی‌دا
ساغ قالماغا
سولاق یازدی اوغورلوق
دول بویدا ایدی
سو گتیرتدیلر بولاقدان
تؤکوردو دیله‌نن پایلانیلاجاق آشا
اوشاقلارینا ایسته‌نیلدی توم اومودو
یئته‌نه‌یی
یاشامی
گنجلییی…
ژان‌وال‌ژان کوزئته قارا مئشه‌ده
بونا شهریار ال آتدی یوخودا
ادبه توتوندو
دَبی بیراخیب
بیر گؤزو همیشه بوراجاق
آتاسینین آناسینین ایستکلی سئوگیلرینی
قیسقاندی اوره‌یینده قیزجیغاز.
اویسا کی
گؤیچک غمزه‌سی
ساغ اوزونون بره‌سی
گؤوده‌سینی فیرلانیب
اوردا ساییردیم سارایین
نئچه کز آرازی
اوزونو بوغولدوغونو.
