چئویرن: معصوم جبارپور
ترجمه: معصوم جبارپور
معصوم جبارپور
00:00
00:00

بو گئجه‌م
یئنه‌ده تورکوسوز قالیر
ماهنی‌لار دونیامدا قارا گئییبلر
سؤکولمور یالقیزلیق گئجه‌لریمدن
هؤرولوب زامانین کلفچه‌سینه
کیم بیلیر حالیمی
تکجه
نار
اوره‌یی قاناییر هر آن
آنام نار دنه‌له‌ین آن
حالیما قان آغلاییر، آن!
گورولتو دوشور بوتون جانینا
قانینی-
سوران آن زهرلنیر
نار!
چیلله گئجه‌سی‌دیر-
ناغیل دئییر:
آتام گئچمیش زاماندان…
یئنه‌ده
بو گئجه کرم یانیر
بو گئجه
قارپیزلار پارچالانان آن
داغیلیر آخار قان ایچرینه اینان
دولانیر چیلله ننه‌سی-
کوچه به کوچه
گلمه‌ییر،
قیسیلیر کؤهنه بیر ائوده!
جوجرمیش دویغولار سارسیلیر، یانیر
جان آتیر بلکه‌ده اؤلمه‌یه ، یئنه.
دوغروسو
آیریلیق اؤلومجول اولور-
تانینماز سئوگیمیز اؤز آرامیزدا…
هامی چیلله‌نی چپیک چالاندا
کیم بیلیر اللریم نه یاشاییر او آن!
بو گئجه
کؤچورم قارا گئجه‌دن
گئدیرم بیر ایشیق اؤلکه‌یه بلکه
یئنه‌ده
بو چیلله آجی گئچیلدی
سن یوخسان
سیخیلیر هر آن چیلله‌میز
سن یوخسان آجی‌لار رول آلیر
یئمک‌لر
آداملار
باخیش‌لار بئله
چاتلایان قارپیزدا اینان آجی‌دیر
هر شئی آجی‌دیر
یاشام آجی‌دیر …
سیخیلیر چیلله‌نین اوره‌یی یئنه.

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

آجی قارپیز

معصوم جبارپور
www.ishiq.net

آذربایجان ادبیات و اینجه‌صنعت سایتی

آجی قارپیز

معصوم جبارپور
www.ishiq.net

آذربایجان ادبیات و اینجه‌صنعت سایتی

آجی قارپیز

معصوم جبارپور
www.ishiq.net

آذربایجان ادبیات و اینجه‌صنعت سایتی