چئویرن: معصوم جبارپور
ترجمه: معصوم جبارپور
معصوم جبارپور

بیر اوووج اؤزگورلوک
معصوم جبارپور

گؤز یوموب وئره‌رم اسیرگه‌مه‌رم-
جانیمدان هرنه‌یی ایسته‌سن قوزوم!
لاپ ایسته اوتانما جانیمین اؤزون،
وئره‌رم، آل سنین، آی دادیم دوزوم!

قوی منی یئنی‌دن قوینونا گیریم
سن منیم قلبیمه گیردییین کیمی!
قوراقلیق چؤلومده آچیلسین چمن
باغریما سئوگینی سردییین کیمی!

بو خینا بنزه‌میر اوخینا ده‌ییل،
ایچیرم دالغایا سویا آندامان.
اکدییین چمنی، سردییین عشقی
اؤلونجه ساخلارام سیلمه‌رم اینان!

دارتینیر گؤزلریم ندن‌دیر آما
حسرتین اوزانیر هله بیلمیرم؟!
من دئییم سن ائشیت باخ بو کلمه‌نی:
گلمک ایسته‌ییرم گله بیلمیرم!

«تبریز»یم چیچک‌له چلنگی گول‌له
«باکی‌»نین دومانلی یولون توخویور.
بیلیرم کی کؤنلون «قاراباغ»دادیر،
بوردادا اوره‌ییم گل‌گل! اوخویور.

زومورروت گؤزلریم سپیلیر یولا،
کروانین گئجیکمیش توزونا دؤزور.
بیر اوووج اؤزگورلوک پای گتیر منه!
ویصالین حسرتین اوره‌یین اوزور.

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

بیر اوووج اؤزگورلوک / معصوم جبارپور

معصوم جبارپور
www.ishiq.net

آذربایجان ادبیات و اینجه‌صنعت سایتی

بیر اوووج اؤزگورلوک / معصوم جبارپور

معصوم جبارپور
www.ishiq.net

آذربایجان ادبیات و اینجه‌صنعت سایتی

بیر اوووج اؤزگورلوک / معصوم جبارپور

معصوم جبارپور
www.ishiq.net

آذربایجان ادبیات و اینجه‌صنعت سایتی