بوگون چهارشنبه 25 فروردین 1400 ساعات 18:24
ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری


کؤلگه
رسول اسمعیلیان

 تلسیر تکلیگیم سس سـیز اوتـاقـدا

دولانـیـر بئـینـیمده دوغوم سانجیـسی

سؤیکه‌نیب دووارا یورغون بـیر کؤلگـه

سـاپلانـیـب گـؤزونـه کـدر دامجیسی

آسلانمیش تـقویـمده قالیب گؤزلری

گونـلر دوستاغـیـندا نـه یـی ایتیبدیر

بیر گون منلیگیـنـی پایلاشـان گونـلر

ایـندی نومره‌لرده هـارا یـئتـیـبـدیر

بیریسی سس‌سیزجه دولوب گؤزونـه

اوغـرو تک فـیکرینی الیـندن قاپـیب

قـوجا هؤرومجک تک سانکی یـادداشی

ایتمیش خاطیره دن پـرده لـر تاپـیب

او دوغوم گونـودور ، بـاشـی بلالـی

هر ایل بیر نومره‌ده پوفله‌دیی شام

آنـجاق منلیگینی یاددان چیخاردیب

بیری عؤمور اولوب ، بیریسی یاشام

سلام دوغوم گونوم ، سلام قارداشیم

نـدن دیـنمز اولدون مـنی گـؤرنـده

دانیش، دیندیر،آخی لال باخیشلارین

آرتیق اؤگـئی‌له‌دیر سنی گـؤرنـده

بیلمیرم گؤرورسن یا یوخ،بو سنسن

ایل بـه ایل اوستونـه درد قالانـیبدیر

یادداشین اونودان بیر کؤلگه دیرکی

کئـچمیشی تـقویـمده دالدالانـیـبدیر

هر ایل بـیر نومره‌ده چاتمیسان باشا

چاغلارین کئچمیشین هئچ اینانمامیش

زامان ساندیقجاسین آچیق گؤرمه‌ده

اوغرولار سـایاغی هئـچ یوبانمامیش

گیـلئیـلی دئییـلم ، بـیـلـیـرسن بـونـو

هر ایل تکرارینلا شن سویولـموشام

سانکی باش گؤتوروب گئدیب یییه‌سی

یاغمالاشمیش ائو تک بوش قویولموشام

گؤوده سیز کؤلگه‌یه دؤنموشم ایندی

دییه‌سن گئجه‌دیر ، نه تئز گئج اولدو

گؤرَن گئدیشیمله هانسی نومره‌نین

دیلی تـوتولـمـاقـدا گـؤزلری دولدو

داریـخما ، اَیـنـیـندن سـیلیـنـیرم من

فیکریمی بئینیندن آت یاواش یاواش

گئـجـه نـین یوخوسو تلسیر سنی

بیر ناغیل دئییرم یات یاواش یاواش

بـیـریـسی واریـدی ، بـیـری یـوخودو

اولدون ، اؤلدون ، قالدی قارا گییه‌نین

بـوتـون آغـاجلاردا اوچ آلـما بـیـتـدی

بـاشـیـنا دوشدولر نـاغیـل دیـیـه نین

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *