سن گولسن گول آچار ائل- عالم گولر،
آغلاسان گؤزونون یاشی من اوللام.
مئح اولوب تئلینه سیغال چکرم،
حسرت اوره‌یی‌نین باشی من اوللام.
سئوگی‌دیر آللاهی بیر سعادتین،
عشق‌دیر پیمانی صاف محبتین،
سنین کیمین ملک‌سیما آفتین
سئوسه اوزویونون قاشی من اوللام.
شئح اولوب تیتره‌رم یاناغین اوسته،
بال کیمین سوزوللم دوداغین اوسته،
بیر داها گلمه‌سن بولاغین اوسته
بیتیب او بولاغین داشی من اوللام.
تر چیچه‌یی دسته توت سن الینده،
چال اوخویوم شیدا بولبول دیلینده،
یئر وئر «هشته‌سر»ه اؤز منزیلینده
او قفسین محبوس قوشو من اوللام.
