هوپورام بو گئجه تانریا
تانری،
سئوینج اوشاغیمدی
اوشاغیم سئوینج
هوپورام بو گئجه…
سیزیلتیلی قاسناقلار یاراسینا
داریخمالی یاساقلارا
یاساقدیر باخیشینداکی مانیفست
باخیشین؛
یالنیز یاتدیغیم گئجه‌نین یالقیزلیغی
یالنیزلیغیم تانری
ایلاهه
یوخومدا ترلیرم سنی
پریود آغاجلارین باشسیزلیغینا
تومورجوقلارین کدرینه
ثانیه‌لرین نئیه‌لرینه
و …
هوپورام بو گئجه
آردیجیل اومید پلانلاری آراسیندا
آردیجیل مفتیل رؤیاسی منم
هانسی روحو اویناییر آدیم
و چینار قانی …
بوغازیمدان آخیر
گوزلریمین یارپیز بوغماسیندا
اللریمین لاچین آداسیندا
من شعریمین ساراسی‌یام
میصراعلارین یاراسی‌یام