قولدورلارین الیندن
نفسی بیتمکده‌دیر خیاوان‌لارین،
نیفرت‌، پیسلیک قوخوسو
زهرله‌ییب شهرین بئینینی.
آج اوشاقلار
چؤره‌ک عطری آردینجا دیرماشیرلار توستو بورولاریندان؛
بیر آز او یاندا ایسه یاری چیلپاق بیر کیشی
یاری آچیق بیر پنجره‌نین آرخاسیندان باغیریر:
آی جاماعات!
منی بیچاق زورونا قاچیریر بونلار،
صاباح «آزادلیق» میدانینا آپاریلاجاغام
اوردا دار آغاجینا آسیلدیقدان سونرا
حیاتیمین محوینه حؤکوم وئریله‌جک.
خبرینیز اولسون
«آزادلیق»دیرمقصدیم!