چئویرن: admin
ترجمه: admin
admin
00:00
00:00

سوزالیبدیر دوداغیمدا قورویان دویغولاریم
اوره‌ییم یوردونو بیر گون قورویان دویغولاریم
داها گزمیر سوراغیندا آچیلان هر باخیشین
گؤزه‌لین گؤزلرینی هئی آرییان دویغولاریم
اوزانانمیر یولونا یئل گتیرن هر قوخونون
قاپیلاردان قاپییا جان سوروین دویغولاریم
سریلیر گونده دایاز بیر دنیزین قوملارینا
بوغولور هئچ یئره بیردن چوروین دویغولاریم
ساچی‌نین بیر دویونون آچماغا مین کارلی گره‌ک
داراغیی‌لان هامی‌دا تئل دارییان دویغولاریم
ائله یالقیز دایانیب یئددی قارینداندا اؤگئی
هانی بس وارلیغی بیر گون بوروین دویغولاریم؟!
سسی سینمیش بوغازین یاز هارایین نئی دن آلیر
چالینان نیسگیله یاردیر قارییان دویغولاریم
قانادیندان آسیلی قالدی یاشیل سئوگی‌لرین
گئجه گوندوز دالیسینجان یوروین دویغولاریم
دئیه‌رم «ائلمان»ا یازسین ناغیلین لاپ سونونا
سئویلن سئودالی یاردان یارییان دویغولاریم

اشتراک گذاری در print
چاپ
اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email

دیدگاهتان را بنویسید

نشانی ایمیل شما منتشر نخواهد شد.

دویغولاریم/ ا.د.ائلمان

admin
www.ishiq.net

آذربایجان ادبیات و اینجه‌صنعت سایتی

دویغولاریم/ ا.د.ائلمان

admin
www.ishiq.net

آذربایجان ادبیات و اینجه‌صنعت سایتی