یاخشی – یامان گؤزلریندن آسیلسین
سنده گؤروش، منده حئیرت قالاندی.
چَتینلیک‌له عؤمور سورمک پایلانیب،
آرزو، حسرت، امید،یئتمک تالاندی.
چیچکله‌نر عؤمروم تکجه سن اولسان-
خیالیمدا، کؤنولومده، جانیمدا.
هئچ بیر زامان سنسیز یئتمز سونونا
حیات سؤزو اولوبسان سن قانیمدا.
قار چیچه‌ییم، یاز کؤینه‌ییم، یای باریم،
خزان بویا آل- الوانلی گؤزه‌لیم!
وارلیغیمین معناسی‌سان، اؤزوسن
ایسته‌یینده مین کروانلی گؤزه‌لیم!
من دئمیرم قاش آلتیندا گؤزوندن،
باخیشیندان عالم اؤزو گولله‌نیر.
من دئییرم: دوداغیندان، دیلیندن،
هر سؤزونده دیلسیزلر ده دیلله‌نیر.
99/۸/۲۸
