نه‌لر اکدیک، نه‌لر دردیک
تپه‌دن دیرناغا دردیک،
کؤمور آلدیق، عؤمور وئردیک
چرچی ده آلمادی بیزی!
هر زامان پسده کؤکلندیک
غم دؤوره‌له‌دی تکلندیک
بیر پاسلی سیم‌له بکلندیک
هئچ او دا چالمادی بیزی!
شانسیمیز یئردن قالخمادی
آخیر چیخاری چیخمادی
دؤنوب دالینا باخمادی
بیر خبر آلمادی بیزی!
اوره‌ییمیزی هئی سیخدیق
اؤز- اؤزوموزو هئی ییخدیق
یادیمیزدان ائله چیخدیق
هئچ یادا سالمادی بیزی!
تیکانلی لحظه‌لر کئچدیک
اؤلوم یولوموزو سئچدیک
شیرین – شیرین زهر ایچدیک
ایلان دا چالمادی بیزی!
۱۴۰۰/۱۱/۷
یک پاسخ
چوووخ گؤزل، ساده و صمیمی. اللره ساغلیق.