نفسدن دوشدویوموزه باخما
بیز قفس‌لر چوروتموشوک
هله تاریخ یوخودان دورمامیش!
چین دووارینا هؤرولموشوک
میصیر پرامیدلرینه قان – تر تؤکموشوک
بو حقیقتی هر بیریمیزدن سوروش
قامچی آجیسینی دریمیزدن
هئچ سوفره‌نین باشیندا دویونجا اوتورمادیق
هئچ محبت ماهنیسینی اوخویوب بیتیرمه‌دیک
عنوانسیز وادی‌لرده آدسیز مزارلار بیزیمکی‌دیر
بیرجه سنی آرزیلایاراق
سنی سسله‌یه‌رک
ای هرنه‌دن آرتیق
یاشاما گره‌ک!
ای…اؤز…گور..لوک
_______________
تانیق=شاهید
پرامیدلر =اهرام مصر
