حئیرانام بو دؤورانا
چئویرن: حسین رزمی (یارای)
ترجمه: حسین رزمی (یارای)
حسین رزمی (یارای)
00:00
00:00

خئیری اولسون بالیق‌لارین
گؤز یاش‌لاری گؤرونمورلر.
خوش حالینا ایلان‌لارین
بیزیم کیمی سورونمورلر.

خئیری اولسون گئدن‌لرین
بیز تک اوزاق گئتمه‌ییرلر.
خوش حالینا گودن‌لرین
اؤزلرینی گودمه‌ییرلر.

خئیری اولسون اوزوم‌لرین
بیزیم قده‌ر اوزولمورلر.
خوش حالینا دؤزوم‌لرین
بیزیم قده‌ر دؤزولمورلر.

خئیری اولسون آغ یالانین
دوزلردن چوخ اینانیلیر.
خوش حالینا دا گوناهین
گوندن، آه دان آز دانیلیر.

خئیری اولسون دا قورخونون
سینه‌سینه مئدال تاخیر.
خوش حالینا دا اوغرونون
دوغرولارا قارا یاخیر.

حئیرانام بئله دؤورانا
بوتون خئییرلر شررین‌دیر.
آه چکیب قان توپورورم
قارا گون‌لر شئییرین‌دیر.

خئیری اولسون دلی‌لرین
بیزدن چوخ آز هویلانیر‌لار.
خوش حالینا اؤلولرین
بیزدن دایاز قویلانیرلار.

خئیری اولسون بالیق‌لارین
گؤز یاش‌لاری گؤرونمورلر.
خوش حالینا ایلان‌لارین
بیزیم کیمی سورونمورلر.
۱۴۰۰٫۸٫۱ مییانا

اشتراک گذاری در print
چاپ

یک پاسخ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
باشقا اثرلری

حئیرانام بو دؤورانا

حسین رزمی (یارای)
www.ishiq.net

آذربایجان ادبیات و اینجه‌صنعت سایتی

حئیرانام بو دؤورانا

حسین رزمی (یارای)
www.ishiq.net

آذربایجان ادبیات و اینجه‌صنعت سایتی