گل
منی آپار
او یئرلرین یئرسیزلیکلرینی سنه گؤستریم
باخ هانسی بوشلوقلاردا سئویشدیک بیز
کیمسه آدیمیزی بیلمزدی
بیلسهیدی چاغیرماز
چاغیرسایدی ائشیتمزدیک
بیز آنجاق بارماقلاریمیزین اوجو و گؤزلریمیزله دانیشیردیق
دریمیزله ائشیدیردیک
بارماقلاریندا آی ترجمه اولموردو
او آنا دیلییله سوزوردو سنین بارماقلاریندان
من
آیا بیله یالواریردیم سنین دیلینده دانیشا
بارماقلاریندان آخارکن
او گئجه بوتون جئیرانلارین رؤیالاری گؤزللشهجهیدی
واتیکانین آلت قاتیندا ساخلانیلان
بیر اسکی منظومه ایچینده
مینیاتور جئیرانی
آچیب کیتابین قاتینی قاچاجایدی
و بارماقلاریندان سوزولن آی گؤیه چکیلیب
جئیرانین یولونا
ایشیق ساچاجایدی
چئویرن: سید حیدر بیات
ترجمه: سید حیدر بیات
سید حیدر بیات
- شعر
- یکشنبه ۹ خرداد ۱۴۰۰
- اوخوماق زامانی: < 1 دقیقه
- https://ishiq.net/?p=26427
00:00
00:00
چاپ
یک پاسخ
سلاملار؛
چوخ گؤزَل و اَثَرلی??
ساغ & وار اولاسیز اوستاد?
آللاه سیزی بیزلره چوخ گؤرمَسین??