قویسونلار مزارا وطنده منی!
شمس‌اله آقایی
دئییرم آی ائل‌لر من گئده‌ر اولدوم،
وئرمه‌یین تورپاغا غربتده منی!
آتاما، آناما، آرازا دئیین
قویسونلار مزارا وطنده منی!
سپین دردلریمی اَسن یئل‌لره
آپارسین یئتیرسین اوزاق ائل‌لره
ایسترسیز سارا تک دوشوم دیل‌لره
قویسونلار مزارا وطنده منی!
ظالیم فلک چوخ تئز کسدی یولومو
یولدو قانادیمی، سالدی قولومو
اَیر کسه‌جکسیز ساغی- سولومو
قویسونلار مزارا وطنده منی!
یامان تئز آیریلدیم مفلوک آنامدان
نیگران قالمیشام مظلوم قاغامدان
التماس ائیلیرم یازیق آتامدان
قویسونلار مزارا وطنده منی!
یک پاسخ
شیرین یالان ایمیش او نغمه دئمه
یوخسا ظالیمادا روا گومزلر
چالین چارپاز داغ چکیلدی سینه مه
بس دئییردی گولی قونچه درمزلر