گئرییه دؤنوش دوشونجه‌سی
رضا سلطانوند
زاوارلاری چیخمیش‌لار،
سینیق- سالخاق تؤکولموش‌لر
بوروشوق یوللاردان یانا
چارداقلارا دوغرو گؤرونوردولر.
فنایا اوغرامیش ایش‌لر
قالانمیش کؤهول‌لرده
قالاق- قالاق تللنمیشدیلر.
زولاق- زولاق،
زیغلی، پالچیق یول‌لاردا،
دیدرگین دوشموش یابانجی‌لار
دوداقلاریندا گولوش آجییارکن
چالا- چوخورلاردا آیاق ساخلاییردیلار.
تاریخی پاسلانیشین گیریش یول‌لارینا،
قایناقلارینا،
کئچمیش ایللرین پاخیل‌لیغینا دوشونوب
سیگارا چکیردیلر.
سوباسدی سینیرلاردا قوخوموش سولار،
کاراکترینی ایتیرمیش دره‌لرین زیبیل‌لری
اینکارلا بدگمانلیق دونیالارینا پارالئل باتیب،
ابدی بیر گئرییه دؤنوش دوشونجه‌سی ایله
دالغالانیردیلار…!
