قیش گلیبدیر قار یاغیر،
قار یاغیر آغیر- آغیر.
گاه ناریندان، گاه ایری
آغاردیبدیر هر یئری.
داغ اؤرتوبدور آغ لئچک،
باغ اولوبدور آغ بیرچَک.
یئر آنامیز قوجالیب،
الینه چَلیک آلیب.
اونون چلیگی بوزدان،
اَله آلیب پاییزدان؛
اوزادیبدیر ساپینی،
گلیب دؤیور قاپینی:
-آچین،گلیب بال ننه،
ناغیلی مین بیر دنه!
قار کوله یین ناغیلی،
مین دیله یین ناغیلی؛
سووار اوزون گئجه نی،
قووار بوشو بئجه نی؛
اوره کلری قیزدیرار،
گؤزوموزده یاز دورار.