آتاما
سلیم باب‌الله‌اوغلو
سن مندن بیر آز یاراشیقلی
من سندن بیر آز عصبی…
سن حساس،
من بیر آز اهلی کئف،
بیر آز بدخرج،
اؤزوندن راضی…
بیر آز دا بختسیز-
– چونکی سن مندن ناراضی.
منیم اومیدسیز واختلاریم چوخ…
سندن اوزاقدا،
بو یؤیوک معناسیز شهرده
دولانیرام اورییمی یئیه-یئیه،
گوناهلاریم چوخ…
سحرلر شکلینه،
آخشاملار گوزگویه باخیرام
ائله بئله قوجالیرام،
آغ ساچلاریم چوخ…
سن چوخ شئی قازاندین-
-ایتیرمهیه نهیین واردی،
من هئچ نه قازانمادیم-
– بیر آز اؤزومو ایتیردیم،
قورودوم سنین یاخشی آدینی،
دؤرد اوتاقلی منزیلینی،
کیتابلارینی…
سن چوخ یاخشی آتاسان،
منسه پیس اوغول.
آمما وآللاه ائله بئله ده اولور…
بیر ده داها کئچیب، دئیهجهیم:
سن چوخ یاخشی بابا اولاجاقسان،
ائله من ده…
• «خزره بیر آددیم» کیتابیندان
