ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

ایتگی‌لر
ائلدار موغانلی

ایتگی‌لر چپرله‌نیر
گؤزلریمیزین اؤنونده؛
ایتیریریک گؤز قیرپیمی‌ایلا اؤلچولن
گون‌لری، آی‌لاری؛
ایتیریریک دونه‌نین حسابینا ییغدیغیمیز
بوگونکو واری.
ایتیره – ایتیره دویونله‌ییریک
یوخوسوز گئجه‌لری اضطرابلی سحرلره،
ایتیره – ایتیره قوشوروق
فصیل‌لری ایل‌لره.
بلکه بو کؤچن کاروانا قوشولدوق-
ائله لاپ بوگون، صاباح!
بلکه بیر پاییز آخشامیندا
یوللارین بویونا تیکیلی قالدی
گؤزلریمیزین حنیرتیسی!
بلکه ده
دؤیونه – دؤیونه قالمیش بیر قوش اولدوق
قانادی اوچوش درینلیییندن آرالی،
اوچوشو حسرت بویالی.
بلکه ده …!
بلکه ده …!
باخ بو منم
بو سن،
بلکه‌لر آراسیندا سئوه – سئوه ایتیره‌ن؛
ایتیره – ایتیره سئون!
ایتگی‌لرین سرحدینه
دویونله‌مک ایسته‌ین بوگونونو، صاباحینی؛
ایتگی‌لرین آرخاسیندا
گیزلتمک ایسته‌ین حسرتینی، آهینی.
نئجه گیزله‌دک
نه‌یی گیزله‌دک، نه‌یی؟!
گیزلتمک اولارمی هئچ
سرحدلری پوزان اوره‌یی؟!
مرداد 1399 – تهران

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *