کؤلگه …
مهرداد فخری
کؤلگه‌یم من
بعضن اوزون
بعضن قیسا…
آرالیق‌دا،
گون دوغاندان – گون باتانا
ترپه‌شیرم.
یاشامیرام،
بوردان اورا – اوردان بورا
داشینیرام.
یامسیلاییب یول گئده‌نم؛
یورولمایان ایزله‌ییجی
ساغا دؤنن
سولا دؤنن
اله گئده‌ن
وله گئده‌ن…
دایازلاشمیش،
بوش‌دان دولو،
ازیش – بوزوش آدامام من.
یاراشیغیم،
یالخی شکبل
دانیشیغیم،
ساییر -باییر
سورونمکدیر داورانیشیم.
کؤلگه‌یم من:
یئنی عصرین وطنداشی
پوپولیسمین گؤز اوجاغی،
قوتساللیقدان دوزنیلمیش
اؤلکه‌یم من،
کؤلگه‌یم من…
۹۷نجی ایل – یای
یک پاسخ
شعر در سبک زلال در اینجا نمی بینم؟!!!!