بوگون دوشنبه 30 فروردین 1400 ساعات 21:53
ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

پای اومورام (بیر ماهنی سؤزلری)
ائلدار موغانلی

اوشویور دویغولاریم،
کؤزوندن پای اومورام.
گؤرونمز یوخولاریم،
گؤزوندن پای اومورام.

دوشوبدو دیله سئوگیم،
آی‌لارا، ایله سئوگیم؛
پوزولور بئله سئوگیم،
ایزیندن پای اومورام.

گئجیکیب ایلک باهاریم،
تالانیب سئوگی واریم؛
چوخونا یوخ قراریم،
آزیندان پای اومورام.

اری‌ییر یئره کؤلگم،
اوینادیر آتینی غم؛
چکیلیب دارا نغمه‌م،
سؤزوندن پای اومورام.

اورکده بیتنیمسن،
گول اوسته اؤتنیمسن؛
پای وئرن وطنیمسن،
اؤزوندن پای اومورام.
آذر ۱۳۹۶- تهران

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *