اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

خاطیرلانان ایل کیمی‌ییک!
ائلدار موغانلی

پاییز یاغیر گؤزوموزده،
یاشیلباش‌سیز گؤل کیمی‌ییک!
حسرت بیتیر ایزیمیزده،
غریب دوشموش یول کیمی‌ییک!

کیرشانلانیر اوفوقده دان،
انیر چیسگین، قالخیر دومان؛
یاری یولدا کؤچو قالان-
کؤچری بیر ائل کیمی‌ییک!

بعضا اینجیک، بعضا کؤورک،
یاغیش وورموش بیر کپه‌نک؛
واختسیز چووغون، واختسیز کولک!!
سووورولموش کول کیمی‌ییک.

گاه سئوینج، گاه غم ییغینی؛
چوخلوغونو، آزلیغینی,
بیر سئودانین یازلیغینی-
توتار- توتماز دیل کیمی‌ییک!

نه اولاردی بیرده یئنه
عؤمروموز یازا بزه‌نه؛
ایندی، یالنیز دؤنه- دؤنه-
خاطیرلانان ایل کیمی‌ییک!
آبان ۱۳۹۶- تهران

اشتراک گذاری در print
چاپ

یک پاسخ

  1. اللرینیزه ساغلیق ائلدار موعللیم! چوخ گؤزل یازیبسینیز! بو میصرانین تایپیندا بیر هئجا دوشوبدور، زحمت اولماسا ایصلاح بویورون.«سوورولموش کول کیمی‌ییک.»

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *