چئویرن: ایشیق
ترجمه: ایشیق
ایشیق
00:00
00:00

نازلانیر هله
یوسف جوادی

اولدوزوم تلسمه گئتمگه تئزدی
گؤلومه دوشن آی نازلانیر هله!
چیمنده گئجه‌نین کئفلی چاغیندا
چیله‌ییر اوره‌ییم بوزلانیر هله!

کیمسه آی تک منی گولدوره بیلمز،
اونون تک کدری سیلدیره بیلمز،
اؤلوم ده دای منی اؤلدوره بیلمز،
ایچیمده بیر قاری قیزلانیر هله!

یادیمدا سئوگینی منه وئرنده
آزجا گولومسه‌دین چیچک درنده؛
باخماییر یاشیما سنی گؤرنده،
قلبیم ایلک باهارلا ایزله‌نیر هله!

قوجانی دیندیرسن بوقچاسی گؤینر،
هر زامان گئد‌رسه تاقچاسی گؤینر،
بیر چیچک اسکیلسه باغچاسی گؤینر،
بو باغین گوللری گؤزله‌نیر هله!

گؤر نه تک باشینا پوزلانیر گئدیر،
یارامدا بیریسی دوزلانیر گئدیر،
اوره‌ییم دایانمیر گیزله‌نیر گئدیر،
قالان خاطیره‌لر توزلانیر هله!

چاپ

دیدگاهتان را بنویسید

نشانی ایمیل شما منتشر نخواهد شد.

نازلانیر هله / یوسف جوادی

ایشیق
www.ishiq.net

آذربایجان ادبیات و اینجه‌صنعت سایتی

نازلانیر هله / یوسف جوادی

ایشیق
www.ishiq.net

آذربایجان ادبیات و اینجه‌صنعت سایتی

نازلانیر هله / یوسف جوادی

ایشیق
www.ishiq.net

آذربایجان ادبیات و اینجه‌صنعت سایتی