اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

سنین دردین
حسین ریاحی فر(سیّد)

دونیادان کؤچن حیات یولداشیما اتحاف

منی یاخیر هر گون، هر آن
سنین دردین، سنین دردین!
گؤزلریمدن تؤکور آل قان
سنین دردین، سنین دردین!

دئییم ائشیت کؤچن جانان
دئییلم من ایلقار پوزان
عزیز منه بیل جانیمدان
سنین دردین، سنین دردین!

منی سالیب درده یامان
اوره‌ییمده ائدیب مکان
منی مندن آلیب اینان
سنین دردین، سنین دردین!

وار یوخومو الدن آلیب
مجنون ائدیب چؤله سالیب
سانما منسیز یالقیز قالیب
سنین دردین، سنین دردین!

سنسیز یاشام سوسوز اؤزک
اولماز بیرده اوزون گؤرک
یارام اوسته آچار چیچک
سنین دردین، سنین دردین!

تاپانمادیم دردن درمان
وار یوخونو یاخدی خزان
«سیّد»ی تک قویماز بیر آن
سنین دردین، سنین دردین

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *