آراز… / اسماعیل خرمی
چئویرن: ایشیق
ترجمه: ایشیق
ایشیق
00:00
00:00

آراز
اسماعیل خرمی

گؤزلر تیکیلیب-
یاشیللیق‌لارین درینلیگینه،
باخدیقجا
اوزانیر-
قوشا یوللارلا بیر اورکده دؤیولن آراز؛

هر بیر واراغیندا-
مینلر اینسانین سرینلیگی،
مینلر آرزیلارین یوخوسو؟
مینلر سئودا آختارانلارین-
قبیر داشی،

کیمسه‌نین گؤزونه،
قیزیل گولله‌لرین لاله‌لی ناخیشی،
کیمسه‌نین گئچمه‌ین گونلرینین
تانریا عوصیانی؛

کیمسه‌نین-
گیزلی سئوداسی‌نین،
بیر قوجاق ایزی،
آچیلیر صحیفه‌لر-
آرازیمین اینترنت قوطوسوندان،
گؤزومون بیری کور،
بیری دؤرد گؤرور،
آچیلان کیتابلارین-
واراقلاری اپریم- اپریم…
دویولان یاشیللیق‌لار،
گؤزلوک آلتیندا پارلاییر.
آرازیمین،
اوره‌یینده دویون ویرمیش-
دانناقلی قامچی یاراسی،
بئلینده شاهلارین-
تورپاق اوغورلوغونون علامتی؛

گؤزومو آچاندا
قییقاجی آرازین –
قییقاجی یوللاری،
یاراشمیر آرازیمین بویونا- بوخونونا،
بی قاپیسی، خانلارین-
قیلینج اؤپوشدوروب-
آت کیشنه‌لرایله شاها قالخماق‌لاری،
بیر قاپیسیندا-
مین ایللیک حسرتلره آلیشان،
مین اولدوزلو گئجه‌لرین-
سینیق اوره‌یی.

آخیر آراز..
یوللاری الینه آلیب
باش گؤتوروب گئدیر آراز،
یوخولاریمی قولتوغونا قویوب-
خزره دوغرو قاچیر آراز.

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email

آراز… / اسماعیل خرمی

ایشیق
www.ishiq.net

آذربایجان ادبیات و اینجه‌صنعت سایتی

آراز… / اسماعیل خرمی

ایشیق
www.ishiq.net

آذربایجان ادبیات و اینجه‌صنعت سایتی