بوگون سه شنبه 31 فروردین 1400 ساعات 02:03
ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

آجیلی- شیرینلی حیات
رحیم کاویان

آجیلی- شیرینلی خوش اولور حیات،
بیبر ده مزه‌لی، بال دا مزه‌لی.
قارا خال دوشنده آغ یاناق اوسته
یاناق دا مزه‌لی، خال دا مزه‌لی.

سئوینمه عؤمرونو دردسیز یاشادین،
دردسیزلیک اینسانا یامان درد اولور.
ان بؤیوک هنرلر، گؤزل شعیرلر
کدردن دوغولور، دردن دوغولور.

طبیعت هردن بیر ده‌ییشیر دونون،
پاییزی دا گؤزل، یازی دا گؤزل.
گاه کوسوب باریشان نازلی دلبرین
کوسمه‌سی ده گؤزل، نازی دا گؤزل.

ائل ایله آغلاییب، گولمه‌سه شاعیر
سؤزلری اوره‌یه یول تاپا بیلمز.
بولبول آغلاماسا پاییز چاغلاری
باهاردا گول اونون اوزونه گولمز.

شنلیک آختاریرسان عشقیده هیهات!
عشقین یولو بوتون حسرتدیر، آه‌دیر.
آماندیر دئمه کی گوناهسیزام من!
بوردا گوناهسیزلیق بؤیوک گوناهدیر.

نه قده‌ر دیری‌یم نفسیم گلیر
گؤزلریم یاغاجاق، اوره‌ک یاناجاق.
«کاویان» نه قده‌ر یازیب یارادا
غم، غزللرینده دالغالاناجاق.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *