اوخوماق زامانی: 2 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

شبسترلی‌لریم
اکبر صالحی (قاداش)

یئنه کؤنلوم داریخیر بوردا شبسترلی‌لریم!
ایستیرم بیرده دؤنم یوردا شبسترلی‌لریم!
باخمایین چوخلاری ایستیردی منی غئیب ائده یا-
آپاریب چؤلده وئره قوردا شبسترلی‌لریم!
چونکی آرخامدا دایاندیز تورا من دوشمه‌دیم هئچ
قالمادیم هئچ وده ده داردا شبسترلی‌لریم!
«مؤعجوز»ون آدی گلنده، بیزه عیّزت گتیریر
چینده، آوروپادا یا هاردا شبسترلی‌لریم!
چوخ چتیندیر تاپیلا بیزلره تای دؤولتلی
مدنی وارلیغیمیز، واردا شبسترلی‌لریم!
بیز دنیز چئوره‌سینین، علم آدینا صیّادی‌ییق
مین نهنگ اویناداراق توردا شبسترلی‌لریم!
سنه قیسقانسا فلک ده اودوزان سن دئییسن
گل آجی گونلری چک میرتا شبسترلی‌لریم!
آجی گونلر سندین ایندی سیچانلار داراشیب
چئینه‌ییب محو ائله‌یه، دارتا شبسترلی‌لریم!
گئتسه «قومبارا زری»‌نین توکانی آسفالتا
توتا «جعفر» زرینی قیرتا شبسترلی‌لریم!
دئنه «مشد ایبراهیم»ا سود ساغیسان، یاغ توتوسان
آججادا یوللا منه تورتا شبسترلی‌لریم!
هرنه کی سؤیله‌ییرم نوستالوژی‌دیر یوخسا،
جانیمی «پاشکیرحسین» سورته شبسترلی‌لریم!
«دؤشه ممد» دؤشویه ایلمه‌نی، سودلو گوثّون،
یئتیمین آغزینا دؤش سورته شبسترلی‌لریم!
چیخالار جارلاماغا «درویش عزیز»، «میرزه علی»
ایته مصّب، قاریشا اورتا شبسترلی‌لریم!
«صالحی»‌نین کاراژیندان چیخا –چیخدا اوتوبوس
یوبانانلار اؤزونو دورته شبسترلی‌لریم!
«خواجه‌ای» داور اولا فیشقا چالا مئیداندا
یاپیشا بیر الی ده شورتا شبسترلی‌لریم!
بیر داها الده توتا «دللک عل اکبر» اولگوج
کوپه سالدیقدا دؤنوب چیرتا شبسترلی‌لریم!
یئنه «علی» توتک ایله بیزه افسرلیک ائده
قیشقیراندا بوغازین ییرتا شبسترلی‌لریم!
«علی محبوبی» اولا بیرده او سووزی بازاری
«میرزه غفاری» چکه پرته شبسترلی‌لریم!
«مشه مهدی» اویانا یا «مشه جمشید»، بیریسی
اذانی باشلایا صوبح ائرته شبسترلی‌لریم!
کوچه‌لرده چکه جار، «جارچی رحیم» خوش خبری
کی، گئجه توی دی گلین! جاردا شبسترلی‌لریم!
«مشد هیدایت» یولو أن- بو گئده‌رک ائولرینه
قنووا ساری قیچی چئرته شبسترلی‌لریم!
کاسیبین عئیبی شهرده اولا بیر بومب آچیلا
پوللونون عئیبینی پول اؤرته شبسترلی‌لریم!
صاف و ساده اولان اینسانی، «دای اوغلو» کیمی‌لر
دوشمه‌سین بیر ناغافیل درده شبسترلی‌لریم!
هرنه کی گول بالا وار مدرسه ده درس اوخوسون
قویماسین تحصیل آتی یئرده شبسترلی‌لریم!
مؤعجوزون قبرینی بیرلیکده چکک آشکاره
ائتمه‌سین جهل آغاسی، برده شبسترلی‌لریم!
او کیشی کی بیزه بیر آبرو دور دونیادا
بیزده لاییق اولاق او مرده شبسترلی‌لریم!
۱۵/۳/۹۶

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *