چئویرن: ایشیق
ترجمه: ایشیق
ایشیق
00:00
00:00

دؤندر منی دؤنرگه‌!
حکیمه باباکشی زاده«نغمه»

بیر آن‌لاری آنیتدی منه دؤنرگه
ایندیسه عارلانیرام
اؤزوم اؤزومدن اوتانیرام
دوواقلاییرام گلین خیالیمی.
عئیبجر دونو مدل به مدل
فئل اینینه یاراشدیران کؤنول
باغریندا قانا دؤنسون
آاااای دؤنرگه.
دؤندر یولومو
دؤندر اؤز جهالت دؤورانیما
قوی خالچا توخویوم قیزجیغاز یوخولاریمدا شعر یوووخ
قوی ساچیمی
ییغیم-ییغیشدیریم چیینیمدن
سیندیریم اوتوسونو
هؤروم،چیچکدن قوتازدان باغلاییم اوجونا
لئچگیمی دوگون ویریم یئنه
یئل الینی اوزاق ساخلامادان
تانریمی ساده‌جه خاساوان گؤروم
گؤروم آنجاق
آللاه آغا دئییم اونا
تانریمین هئچ نمنه‌یه بنزه‌مز اتگین
سریم یئنه یاتاغیما
یاتیم بیر آن
ساعاتلارلا یاتدیغیم کیمی
قوی اویونجاقلاریمین دوز دانیشماسینا اینانیم یئنه
قوی جیریم دونومون اتگیندن
باغلاییم بئلینی گلین بالامین
قوی حیاط باجانین
چؤر –چؤپ‌لرینین
کر –کسک‌لرینین
ایسلانماسینا
ایسلانیم یاغیش‌لارا یئنه
قوی خاطیرینی آلیم کؤرپه قادین ایچیمین
دؤندر منی دؤنرگه
دؤندر اؤزومه!!!!

چاپ

3 پاسخ

دیدگاهتان را بنویسید

نشانی ایمیل شما منتشر نخواهد شد.

دؤندر منی دؤنرگه‌! / حکیمه باباکشی‌زاده«نغمه»

ایشیق
www.ishiq.net

آذربایجان ادبیات و اینجه‌صنعت سایتی

دؤندر منی دؤنرگه‌! / حکیمه باباکشی‌زاده«نغمه»

ایشیق
www.ishiq.net

آذربایجان ادبیات و اینجه‌صنعت سایتی

دؤندر منی دؤنرگه‌! / حکیمه باباکشی‌زاده«نغمه»

ایشیق
www.ishiq.net

آذربایجان ادبیات و اینجه‌صنعت سایتی