اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

«شهید اولور شعریم» و «مای بایرامی»
ارشد نظری

(فهله‌لر گونو موناسیبتینه)

«شهید اولور شعریم»

– حاییف اولسون!- دئدی سوپورگه‌چی
کؤرپه بالاسینین آغزی دولوسو
کوچه‌ده ازیلمیش بیر ضای آلمایا؛
اوره‌ییمدن قوپوب دوشدو
قیپ قیرمیزی شعریمین
تورشا شیرین جنازه‌سی.

«مای بایرامی»

مای بایرامی نیویورکدا
بو گئجه‌ده
سیلدی هله گؤزلریمین یوُخوسونو
بیر کدرلی آتلی پولیس
نه ایسته‌دی او فهله‌لر خییاواندا
کؤرپه‌لره سوتدن غئیری؟
نه دئدیلر،
باهالیقدان، ایشسیزلیکدن
درددن غئیری؟
باری
باری
شاهید اولسون ادعالی میکروبفونلار
شاهید اولسون نیویورکون
رنگی قاچمیش گیلاسلاری
باتوم- باتوم دئموکراسی یازیلاندا
فهله‌لرین کوره‌یینه،
شاهید اولسون می‌سی‌سی‌پی
منیم شرقی یوُخومودا،
آغ سارای دا یوُخلادیلار
یئنه پیس- پیس
بو گئجه‌ده سیلدی هله
گؤزلریمین یوُخوسونو
بیر کدرلی آتلی پولیس!

 

اشتراک گذاری در print
چاپ

2 پاسخ

  1. ارشد نظری جنابلاری تورک ادبیاتینین قایغیسین چکنلردن بیریدیر.
    اونا باشاریلار و اوزون عومور دیله ییریک.

  2. ارشد نظری جنابلاری بوتون شعیرلرینی یاشاییب لار اونا گؤره اوخویانا دا سیندیرمه گی راحات اولور
    ادبیاتیمیزین گوجلو پایلاشماسینا چوخ زحمت چکیبلر
    اللرینه ساغلیق

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *