چئویرن: افروز خانیم
ترجمه: افروز خانیم
افروز خانیم

(۱) بیزیم ادبی قوروپ
بیزیم ادبی قوروپ غریب دونیادیر
صوبحدن آخشاما قارپیز کسیلیر
هردنسه بیر شاعیر بیزدن اینجیییر
کؤورکلی اوره‌یی تئز- تئز کوسولور

ائستیکر گوللردیر بوللو یاغیلیر
اوره‌کلر، بؤیره‌کلر کسیلیر قوربان
صوبحدن آخشاما بیزیم قوروپدا
ادبی بازاردا حراج اولور جان

بیری اوستاد اولور، بیریسی شاگیرد
نوشابه آچیرلار بیربیرلرینه
چایلاقدا، بولاقدا، بیزیم قوروپدا
نوشابه گازلانیر سویون یئرینه

گاه دئییر مودور کی:«آز پئپسی آچین»
بو سؤزدن «افروز»ون اوره‌یی اوشور
آی مودور پئپسی‌سیز قوروپ اولارمی؟!
هردنسه پئپسی‌لر گؤیلومه توشور

گاه دئییر پی‌وی‌ده نوشابه آچین
نوشابه پی‌وی‌ده کسگردن توشور
قوروپون ایچینده گؤز قاباغیندا
جانیمچون نوشابه بتر یاپیشیر

خیر- شردیر داداش چتین توتمایین
بیزیم پئشه‌میزدیر نوشابه آچاق
عمل کئچمیر آخی قارپیز- پئپسی‌سیز
لوطف ائدین بونلاری ائتمه‌یین یاساق


(۲) طنز
سانما یالنیزجا ائله گولمه‌جه‌دیر، خنده‌دی طنز
آغریدان جانیمی سورتوب، توپورن رنده‌دی طنز
ظاهیری گولمه‌جه‌دیر، بطنی آجی قایناغیدیر
بس کی بو ظاهیریمیزدن گده شرمنده‌دی طنز
یومشاجیق سؤزلرین آلتیندا آلاو، کؤزدو یاتیب
یانی باشلاری کسن یومشاق اولان پنبه‌دی طنز
لاعلاج دردینه گاهن گولر آدم بالاسی
هن آجی گولمه‌جه‌دیر، آغریدان آکنده‌دی طنز
دردی باشدان آشان «افروز» گولر جان دردی
پیشمه‌میش کوت اولونان ایت خوره‌یی کونده‌دی طنز

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

ایکی شعر

افروز خانیم
www.ishiq.net

آذربایجان ادبیات و اینجه‌صنعت سایتی

ایکی شعر

افروز خانیم
www.ishiq.net

آذربایجان ادبیات و اینجه‌صنعت سایتی

ایکی شعر

افروز خانیم
www.ishiq.net

آذربایجان ادبیات و اینجه‌صنعت سایتی