سس‌سیز
یوسف جوادی

اؤلمم هله سئوگیم تله‌سیر دالدادا سس‌سیز
آرخامدا آغیر بیر ائل اسیر دالدادا سس‌سیز
دونیا بویو قوشلار اؤله آنجاق اوچوش اؤلمز
قانلی للگه داش یئل اسیر دالدادا سس‌سیز
بیر کیمسه حایات ماهنیسینی کوولایا بیلمز
هر پرده‌سینه بیر تئل اسیر دالدادا سس‌سیز
گوللر سولاراق سانکی گولوش سولمایاجاقدیر
هر یایلیق آرا بیر گول اسیر دالدادا سس‌سیز
نئیلک امین اول فلسفه‌نین حؤکمو زامان‌دیر
باغلانسا دوداق بیر دیل اسیر دالدادا سس‌سیز