چئویرن: ایشیق
ترجمه: ایشیق
ایشیق
00:00
00:00

شعیرلریمده…
بهزاد بیات‌فرد(حسرت زنگانلى)

شعیــرلریمده آغیـر دردلى عیصـیانیم دیـله‌نیر
بو یاسلى شهره یاغیش لاختالیقدا قان اله‌نیر!
.. و فـیرتینا، دلیسـوولوق قانیمدا قانلارکن
باشیمدا اینتیقام آدلی قیصاصدی پوهره‌له‌نیر
منم بو من آدیمی، وولکان آندیمیمداکی قیز
ساواش اؤلوم هاواسیندا…کؤز آلتی کول پوله‌نیر
بیر ایت کؤپوکلو هاوارلاردا هئی قاپیر اؤزونو..!
بیر ایت باشین ییه‌رک! دؤنگه‌لرده هئیى سوله‌نیر
گؤزونده گؤزله‌ سن آللاه منـی بو شـعریم ایچین
الیمــده کلمــه‌جییمـدیـر دومــانــدا پلمه‌له‌نیر
منم بو سوچلوجا میصراعلاریملا … قاندی گئدیر!
منم یارام _ یاراسین باغلاماقدا دوز چیله‌نیر
قـارالتـیلار بـورویـوب کنـدیمـین گونشلیـیـنی
شعیـرلـریمده آغیر دردلـى عیـصیانیم دیـله‌نیر

چاپ

دیدگاهتان را بنویسید

نشانی ایمیل شما منتشر نخواهد شد.

شعیرلریمده… / بهزاد بیات‌فرد(حسرت زنگانلى)

ایشیق
www.ishiq.net

آذربایجان ادبیات و اینجه‌صنعت سایتی

شعیرلریمده… / بهزاد بیات‌فرد(حسرت زنگانلى)

ایشیق
www.ishiq.net

آذربایجان ادبیات و اینجه‌صنعت سایتی

شعیرلریمده… / بهزاد بیات‌فرد(حسرت زنگانلى)

ایشیق
www.ishiq.net

آذربایجان ادبیات و اینجه‌صنعت سایتی