اوخوماق زامانی: < 1 دقیقه

اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email
چئویرن: ایشیق
ترجمه: ایشیق
ایشیق
00:00
00:00

بو یازی‌نین سس فایلی هله حاضیرلانماییبدیر. بو یازی‌نی اؤز سسینیزله اوخویوب بیزه گؤندره بیلرسینیز.

ائو
ائلتاش صالیحی

بیلیرسن سئوگیلیم
گئتمک
آیاقلاردان باشلارمیش
اؤلوم کیمی…
گئده‌ن‌لر
جانلی مئییت‌لر‌دی‌لر
دوشونسنه
دوراراق یاشاییرلار آغاجلار
باغچامیزداکی آغاجا باخسانا
قیشی گئچیردیبده، چیراق_چیراق یانیر ائوین گئجه‌لرینه
“بوراسی یوتوپییا
ائوین بوتون گئجه‌لری یاز؛”
دئمیشدی آتام

بعضن ائوه دؤنمک لازیم
بعضن پنجره اولماق لازیم بیزده؛
بیر قاریش هاوایا
دارغینلیقلاری سؤکمکده
دووارلارا قارشی دورماقدا
هاوالانماغا هاوالانماق‌دیر پنجره‌ اولماق

بعضن ائوه دؤنمک لازیم
حیطه بیر اوووج سئرچه سپمک
آچیقجاسی
سرچه‌لر کؤچری دگیل قیشدا
هر سحر
ان اؤنجه
اونلار دیرنیر سس‌سیزلیگیمیزه؛

دوشونمه‌یه چوخلو شئی‌لر وار عزیزیم
قوجامان بیر چیناری دوشون
سئرچه‌لرین یواسی جانینا ماکیاژ
او منم
سون سئرچه بیله اوچدو اورگیمدن؛
باغچادا زئیتون آغاجی دوشون
بوداقلاری کؤچه‌ده اولسادا کؤکو بیزده
او ایسه منیم سورگون یان_یم دیر.
سرچه دوشونجه‌لیم
درین باخسانا
گؤیه یوخ
تورپاغا آچیلیر آغاجین قوللاری
اینسان ایسه ائوه آچار قوللارینی
بیلیرسن سئوگیلیم
حاق ائتدیگی ائوده یاشارمیش اینسان
باخیرام
بو ائو
چوخدان سینیرلارینی آشمیش…

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *