دئوریم!! / سحر خیاوی
چئویرن: ایشیق
ترجمه: ایشیق
ایشیق
00:00
00:00

دئوریم!!
سحر خیاوی

(قادین گونو مناسبتینه)

بئینیمده بیر قویون وار
قوردلاشیب بو گئجه
گؤزلری قان چاناغی؛
یونجاسینا توپورور
ایتیلدیر دیشلرینی
مله‌میر کی؛ اولاییر
رژه گئدیر بئینیمده
تاخ تاخلی دیک دابانلار
چالینیر قاب قاشیقلار
سیندیریلیر آینالار
ایاقلانیر روژ- میداد
اعلان وئریر«ماندئللا»
« منیم بیر رؤیام واردیر»
خطاب ائدیر لوترکینگ
شوعار وئریر « فالاچی»
علم گؤتوروب «غاده »
الیمی توتور « سعاد»
یومروق قالدیریر« نیگار»
چیغیریر« سوسن پاشا»
جاوابین وئریر«سارای »
سس بیرلیک‌ ائدیر«صنم»
«نرگیز» اؤلدورور اؤزون
سسلی چیغیریر سؤزون
« سولماز»، «مهسا» ال اله
قونوشوب بیزیم سئله
و…..و.‌‌..‌و….ها بئله…
بئینیمده بیر قویون وار
قوردلاشیب بو گئجه…

اشتراک گذاری در print
چاپ
اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email

دئوریم!! / سحر خیاوی

ایشیق
www.ishiq.net

آذربایجان ادبیات و اینجه‌صنعت سایتی