ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری


تبریز
حکیمه بلوری

قول‌لاریم دولانار بوینونا بیر گون
یئنه باش قویارام دیزینه تبریز!
حسرتدن، هیجراندان جانا دویموشام
دویونجا باخارام گؤزونه تبریز!

بولانلیق سولارین آخسین دورولسون
تزه گوللریندن بوساط قورولسون
سهند جمالینا بیرده وورولسون
بیر قوبار قونماسین اوزونه تبریز!

گولستان باغی‌نین سئیرینه گلیم
لاله یاماجیندا بیرده دینجه‌لیم
اؤتن گونلریمه یئتیشمز الیم
دوشوم هیچ اولماسا ایزینه تبریز!

آنا تبسمون آی ایشیغی‌دیر
قولوم قامتی‌نین سارماشیغی‌دیر
شعرین بو دونیانین یاراشیغی‌دیر
اینجیسی توکنمز خزینه، تبریز!

سن شاعر عؤمرومه وقار وئریبسن
سولوب سارالمایان گولزار وئریبسن
اعتبار وئریبسن، ایلقار وئریبسن
هر ایگید اوغلونا، قیزینا تبریز!

یک پاسخ

  1. سلام و سایقی لاریملا، منیم بیر سوئالیم سیز ایشیق مجله سینین باش ناشیریندن اولاجاقدیر کی بعضی مهم شاعیرلریمیزین ساده جه تک بیر شعرین بوردا پایلاشیرسینیز، عجبا الینیزده اولمور یاداکی بیر تک شعرینی پایلاشماق ایستیرسینیز؟
    مثلن خکیمه خانم بلوری و کریم مشروطه چی و و و اگر ایمکانی وارسا بئله قدرتلی شاعیرلریمیزدن بیر چئخ اثر بوردا بیزلر ایله پایلاشینیز.تشککورلر.

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *