چئویرن: ایشیق
ترجمه: ایشیق
ایشیق
00:00
00:00

ایکی شعر
ارشد نظری

۱- باهار

چوخداندیر یولونو گوزلورم باهار
گلنده بئله گل قیشا آوخشاما!
گلیرسن یاشیللی محبتلی گل
ظالیما اییلمیش باشا اوخشاما!

من سین آدیندان سئودا اومورام
دویغوسوز, دیل بیلمز داشا اوخشاما
اوره ک پنجرمدن باخیرام سنه
اومودسوز گوزلرده یاشا اوخشاما
چیچکلر گوزللیک خبرین وئریب
کورگوزون اوستونده قاشا اوخشاما
سنی آند وئرم گوی قورشاغینا
قانادی قیریلمش قوشا اوخشاما
چوخداندیر یولونو گوزلورم باهار
گلنده بئله گل قیشا اوخشاما.

۲- گؤینه‌ییر

اوچوقلادی قرنفیلین یارپاغی
هئچ داغادا بیلدیرمه‌دی او داغی
نه سؤز دئیب قولاغینا شاخدالار
داغلاریمین کوله‌یی ده گؤینه‌ییر

آبریمزدا، حیامیزدا قانادی
اورتامیزدان  سیلینمه‌دی قان آدی
ماهنیلارا گولله سسی قاتمایین
اوشاقلارین دیله‌یی ده گؤینه‌ییر

یازیق دالغا هئی محببت آختاریر
ساحیل اونو قاپیسندان قایتاریر
اؤز اوستونه شوملاماسین نئیله‌سین
دالغالارین چیله‌یی ده گؤینه‌ییر

قورتولماییر بو قارانلیق گئجه‌لر
سحره‌دک آییق خوروز نئجه‌ائلر
یوخودادا ال چکمه‌ییر درد مندن
یاسدیغیمین لله‌یی ده گؤینه‌ییر

چاپ

یک پاسخ

دیدگاهتان را بنویسید

نشانی ایمیل شما منتشر نخواهد شد.

ایکی شعر/ ارشد نظری

ایشیق
www.ishiq.net

آذربایجان ادبیات و اینجه‌صنعت سایتی

ایکی شعر/ ارشد نظری

ایشیق
www.ishiq.net

آذربایجان ادبیات و اینجه‌صنعت سایتی

ایکی شعر/ ارشد نظری

ایشیق
www.ishiq.net

آذربایجان ادبیات و اینجه‌صنعت سایتی