چئویرن: ایشیق
ترجمه: ایشیق
ایشیق
00:00
00:00

آللاه!
قوجا موغانلی

مین بیر دردی شله‌له‌دیم
کوره‌ییمه چاتدیم آللاه!
وطن بویدا بیر نیسگیلی
اؤز سئوگیمه قاتدیم آللاه!

سوسادیلار آل قانینا
چاتلار دوشدو دابانیما
داش آتدیلار عنوانیما
باشی قالخان توتدوم آللاه!

اَییلمه‌دیم یئللر ایله!
یویولمادیم سئللر ایله!
نامردلرین اَللرییله!
بهتانلارا باتدین آللاه!

بو یاشام‌سا! اوُلوم نه‌دی؟
غیرت دیشیم،دیل چئینه‌دی!
یالادیم یارام گؤینه‌دی!
قارا قانلار اوتدوم آللاه!

«قوجا»تک دولدوم گوناها!
طالعیمدن سیندیم داها!
بو دونیانی اوجوز-باها!
بیر ماناتا ساتدیم آللاه!

چاپ

دیدگاهتان را بنویسید

نشانی ایمیل شما منتشر نخواهد شد.

آللاه! / قوجا موغانلی

ایشیق
www.ishiq.net

آذربایجان ادبیات و اینجه‌صنعت سایتی

آللاه! / قوجا موغانلی

ایشیق
www.ishiq.net

آذربایجان ادبیات و اینجه‌صنعت سایتی

آللاه! / قوجا موغانلی

ایشیق
www.ishiq.net

آذربایجان ادبیات و اینجه‌صنعت سایتی