چئویرن: ایشیق
ترجمه: ایشیق
ایشیق
00:00
00:00

کیم نه بیلیر…
حکیمه باباکشی‌زاده «نغمه»

جان بیر اولوب آیریلاندان بری
نه سن واریمسان، نه اؤزگه‌لری
هر دردیم
هر گره‌ییم
بیر هاوا چالیر
سندن منه قالارغی
بئینیمده تارچی آنیلار قالیر

آنیلار یئییب، آنیلار گئییب، آنیلار ایچیرم ایندی
اوغولوب، تؤکولوب
آنیلار قربیلیندن کئچیرم ایندی
رؤیادان کابوسا ائنیرم
داغدان شلاله اوچور حسرتیم
آخار سووا دؤنورم
پالچیغیمدان
گؤزل گؤیچک
یاراما سوواق چکیرم

کیم نه بیلیر
چاپیب، تالاییب
سنسیزلیک من خارابانی
اوچوردوب.
اودون تک اودا قالاییب
کول تک سووا جالاییب
بایقوش اوخوموش هر بوجاغیمدا
نس داماری دوتوب خوی گیرریگیمین

کیم نه بیلر
گونشین اوزو دوتولموش
دوغابیلمیر آااااای گئجه‌لر
دونیام باشینا قارا سالمیش
ایشیغین باغری چاتلاییب
آیاق‌یالین ایزین
باغریمدا تالا – تالا قان آغلاییب

کیم نه بیلیر
نه لرکئچیر منیم آران یایلاق خیالیمدان
قیشین اوغلان چاغیندا
کیم نه بیلیر…

چاپ

دیدگاهتان را بنویسید

نشانی ایمیل شما منتشر نخواهد شد.

کیم نه بیلیر… / حکیمه باباکشی‌زاده «نغمه»

ایشیق
www.ishiq.net

آذربایجان ادبیات و اینجه‌صنعت سایتی

کیم نه بیلیر… / حکیمه باباکشی‌زاده «نغمه»

ایشیق
www.ishiq.net

آذربایجان ادبیات و اینجه‌صنعت سایتی

کیم نه بیلیر… / حکیمه باباکشی‌زاده «نغمه»

ایشیق
www.ishiq.net

آذربایجان ادبیات و اینجه‌صنعت سایتی