چئویرن: ایشیق
ترجمه: ایشیق
ایشیق

بلکه من آغلادیم اورمو گؤلو داشدی!!!
معصوم جبارپور

بو گئجه ایچیمده‌کی‌کؤرپه جیک‌لر دیل آچیب
واقتسیز
زامانسیز
سئوگیمیزین آن به آن دتایلاری
بیز_
بیریسی وار بیریسی یوخ سئوگیلیلری‌ایدیک ۸۰ اینجی ایلده
ایاقلاریمیزین آلتینا قیب_قیرمیزی خالچا سریلمیشدی_
سربست قیرمیزی بالیقلارین دریسیندن،
تانرینین سیاحت گونلری ساچلاریمیزدا تاماملانیردی
ایسته‌ییمیز
ایکی اوره‌ک اولدو
بیر آووجوق اوره‌ک
کوچه‌نیزین قوواق آغاجینین آلتیندا
پای وئردیم
امما ندن داها‌ کؤکسوم چیرپینمیر؟!
ایندیسه
او دار‌ کوچه‌نیز منه
سانکی بیر چوخور
اودانداکی بایراقدان _
تار سسیندن
آنا آنا
بیزه بیر تاباق انجیر قوپارت گتیر
اوره‌ییم سیخیلیر
زاواللی قادین
آخی منی گلینیم سسلر آغ بیرچک آنا!
آخ
تبریزین‌ کوچه‌لریندن بیریسی اکسیلسه نه اولار؟
اونو اوغورلاییب_
بیر اوزاق شه‌هرده
باشقا بیر قیزجیغازی داریخدیرا !
***
تبریز گئدیرم
بوتون تانیش خیاوانلار
قار
یاغیش
سنین اولسون
یالنیز شهنازی داریخاجاغام
بلکه بیر باشقا شه‌هرده_
بیر اوره‌ک تاپدیم ‌کؤکسومون،
چیرپینماسینا
کؤکسومه قیرقین دوشوب
اییلمیجه‌یم
شه‌هرده اؤگئی قیز دولاشینجا
دئپرم دوشور‌ کوچه‌لره‌ کدرلی آه‌لاریلا
سانکی قازیلیبسان بوتون اورگانلاریما
پیچاق چکیر آجی آنیلارا
بال آخیدیر داماغیما بو گئجه لیریک سؤزجوکلر
دئییردین:
جننت سئوگی‌لرین یوردو
گولمک سسی انجیر آغاجین قیسقاندیریر_
اللرین دوداقلاریمی آرخادان توتونجا!
اذان سسی گلیر
انجیر آغاجیندان ایراق
حاووض باشیندا دستاماز آلینجا
اورگان به اورگان سئویشیریک،
دوداقلارین ان گوجلو سیلگج
ائرککلییین قورلانیر
یئتنجی سئویشمه‌یی یاشاییر_
آغاجین،
رادیکاللی باخیشلاریلا
بیر انجیر دوداقلاریمیزین اورتاسیندا ایکی بولونور
اؤپوجوکلر پایلاشان آن
دئپرم دوشور سئوگی ائوینه
***
یئنه تبریز
تاکسی سوروجوسی دئیینجه قوناق اولون
گولورم
شیلتاق باخیشلاری یاشیل گؤزلریمده گولور
کوچه به‌کوچه اوپورم تبریزی
تربیت خیاوانینین قالدیریمیندا هئیکل‌لره ساریلیرام
سانکی
شهر ‌کرپیج _‌کرپیچ دانیشیر منیمله
سن یوخسانسا
تبریز سنی دادیزدیریر
سن قوجاق قوجاق وطنسن
چیریل چیپلاق ساریلیرام وطنه
قوی
انجیر آغاجینین باغری چاتلاسین
***
هردن بارسیز آغاج اولمالی
امما
اونوتماق نه گؤزل اولای
سؤزلرین بیر به بیر قولاغیمدا سان وئریر
دئییردین:
باخیشلار ‌کؤرپو اولمایاجاق آرازا
صمد عمی
اؤلولرین تابوتلاریندان
کؤرپو سالدیراجاق
قوزئی ایله گونئی‌یه
قاراداغ بیر گوجلو دولت_
اولدوزلو بایراغیلا
یالان!
ارک قالاسی اؤلمکدن قورتولاجاق
خیاوانلارا چیچک آدی وئریب
اؤلکه‌نی چیچکلندیره‌جکسن
ستارخان آدی گلدیکجه
زینب پاشا
تئللی_
آلقیشلاناجاق
چوخ…
چوخ…
یالانلار
بیر بیتیک سؤز_
گئدیب اورمو گولونو سویا بوغاجاییدیق
گل
گؤر
اورمو نوغول‌لاری شور تامسیدیر داماغیما
گئدیرم_
گؤزلریم بیر دنیزه بویلو
بلکه من آغلادیم اورمو داشدی
گؤز یاشلاریمی بیلیرسن سن!
***
اوره ییمی گئری آلماق ایسته‌یینجه
یول اوستونده اوتوران دا بئله_
سورورام
دئییرلر:
بیر گئجه گوموشو آی ایشیغیندا
بیریسی ایله_
سئویشن آن
بیر آغاجا اودولدون!
گئدیرم،
میزیلدایا میزیلدایا
“یارالییام یارالییام یارالی…”
آرالی دوشدم
یارامی دئشمه دئشمه دئشمه ”
***
کیمسه بیر آووجوق اورک گؤرمه‌ییب؟

چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

بلکه من آغلادیم اورمو گؤلو داشدی!!! / معصوم جبارپور

ایشیق
www.ishiq.net

آذربایجان ادبیات و اینجه‌صنعت سایتی

بلکه من آغلادیم اورمو گؤلو داشدی!!! / معصوم جبارپور

ایشیق
www.ishiq.net

آذربایجان ادبیات و اینجه‌صنعت سایتی

بلکه من آغلادیم اورمو گؤلو داشدی!!! / معصوم جبارپور

ایشیق
www.ishiq.net

آذربایجان ادبیات و اینجه‌صنعت سایتی