ایشیق 1
آذربایجان معلم‌لری و تحصیل مساله‌سی
ایشیق 2

آذربایجان قفه‌خانالاری

ایشیق 3

آذربایجان و مهاجرت مساله‌سی

ایشیق 4
آذربایجان توی‌لاری

گؤزلرین..
کامیل قهرمان‌اوغلو

ایکی قارا آت دی گؤزلرین
ایکی انتحار
ایکی کودئتا
ایکی اوغلان جسدی
ایکی یاسلی گلین
گؤزلرینین بویاسی مور
“بوپال”ین سملی بولودو
“سویسو” فاجعه‌سی
“چئرنوبیل”ین اتوم پارتلانیشی
ایکیده قالیب گؤزلرین
ایکی قارقا قوخولو
قارا اوزوم “انگور”
ایکی قارا بایرام
ایکی اعدام آغاجی
ایکی بومبالانمیش گیرایلی
ایکی سلام علیک
اوچه گلمیر گؤزلرین
کؤهلن گؤزلوجم
گئدیر منی گؤزلرین
چاپیر منیم پاییز کئفیمی
آشیر تبریز قاطاریمی
کؤچور دوداغیمی
اوچور کندیمی
چنلی بئلی گؤزلریندن تانیرام
ای… دلی گؤزلوجه‌ییم
ای… کوراوغلونون
نیگار غضبی
زاکاسام آفریقا گؤزلرینه
شاباشام باکی اللرینه
یامان جانا سینردی گؤزلرین!!
گؤزلرین قرآن، نهجوالبلاغه
قانا بلنمیش گوناه…ه…ه…
ثوابلی عیصیان
گؤزلرین دونیانین قان سورانلاری دی
گؤزلرین هیتلئر
بنیامین نیتانیاهو
جورج دبلیو بوشدو گؤزلرین
صدام حوسین
دونیانین ۲ینجی ساواشینین بانیسی
هیروشیمانین اتومو
ورزقانین زلزله‌سی
کامیلین شعیری
“نسکافه” ایچیرم سنی گؤزلرینه
والضالین اللرینه
الحمدی گولوشلرینه
سوبحان‌آللاه گؤزلرینه
إهئییی…
گونش، دابانیندان سو ایچیر
حاجی گیلانار گؤزلریندن
و …
… دوداغین “اهر”ده بیر شهید قانی
اللرین ایستی‌یه سالمیش “موغانی”
باتیریبدی قانا “آزربایجانی”
“کلیبر” ساچلارین، “تبریز” گؤزلرین…
۲۴/۹/۱۳۹۱

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *