آپارمنی! / صدیار وظیفه «ائل‌اوغلو»
چئویرن: ایشیق
ترجمه: ایشیق
ایشیق
00:00
00:00

آپارمنی!
صدیار وظیفه «ائل‌اوغلو»

آی اللری قوینوندا، طالعینه یالواران
منیم یوز ایللیک دوستوم!!
نه آغیر کئچیر ایللر.
هله ده کی دئییرلر:
کلید دوه بوینوندا.!
قالخ الینی وئر منه،
قوپار منی بو یئردن.
اوقدر اوتوردوق کی،
بو تورپاغین، بو ائلین
گونشی ده، آیی دا
گئرییه دؤنمز اولدو،
گئدیب، یاتدیغی یئردن.
باخار کورا دؤنموشوک
یوللاری گؤزله‌مکدن
بیز، آیلاری ایللری –
کیملری گؤزله‌مکدن.
هانی قارانقوشلاری،
بو شهرین، بو ائلین.
داها قاییتماز اولدو
دورنالاری گؤللرین.
وئر الینی الیمه،
آپارمنی بو یئردن.
آپار، قاراداغدا کی،
پؤهره شیللان کولونا،
ایلیشدیر اوره‌گیمی.
بیر بؤیورتکان کولوندان،
آسلا دوداقلاریمی.
آپار منی بو چؤلدن…
ایلیکترون ایشیقلار
کورا- قیپیق ائدیبدیر
ایدراکیمی، حیسیمی.
زهر بارداغی اولدوق،
بو شهرده حیاتین
آجیسینی دادماقدان.
گؤزوم ساری نرگیزین
گؤزلرینده قالیبدیر.
آپار منی بو ائلدن،
آسلا باخیشلاریمی،
بیر قارتال یوواسیندان.
باخیم اوزاقلارینا،
من اوبامین، ائلیمین.

اشتراک گذاری در print
چاپ

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *

اوخوماق زامانی: < 1 دقیقه
اشتراک گذاری در facebook
اشتراک گذاری در twitter
اشتراک گذاری در whatsapp
اشتراک گذاری در telegram
اشتراک گذاری در email

آپارمنی! / صدیار وظیفه «ائل‌اوغلو»

ایشیق
www.ishiq.net

آذربایجان ادبیات و اینجه‌صنعت سایتی