بئش بارماغین ایزی بیر اولماز
زینب فرجی
گئدیشینین آدینی نه قویوم ؟
قوش یوخوسوندا داری
داری یوخوسوندان باشاق
باشاق یوخوسوندا تورپاق
و تورپاق یعنی اولوم.
بئش بارماغین ایزی بیر اولماز
تورپاق باشاق
باشاق داری
داری قوش
قوش من
من سن اولا بیلمه‌رم
من سنسیز اولا بیلرم ساده‌جه
آدینی قویماقدا زورلاندیم
اوچدوم
سن اولا بیلمه‌دیم
شعیر اولدوم
نغمه اولدوم
آغی اولدوم
سنسیز اولدوم.
بئش بارماغین ایزی بیر اولماز
ایکی اینسانین دا.
2 پاسخ
حؤرمتلی فرانک خانیم. شعرلرینیزی بو ایمیل آدرسینه گؤندره بیلرسینیز. ishiq.net@gmail.com
سلاملار و سایقیلار
منده بعضی واقتلار شعر یازارام ایستیردیم منیم ده بوردا شعرلریمنن ده اولسون اگر قبول ائدیرسینیز منه بویورون.